الحمدالله في حد سوالي سالفه
شكرا،، ويلا نكمل
البارت الثالث:
سكرت دانه وعيونها كلها دمووع: ليش ياربي لييش انا شسويت بدنيتي والله مو ذنبي انه ابووي جي وناامت واهي ع هالحااله..
.....
يوم الخميس الصبح دانه نشت عحشرة اخوها و امها فجت باب غرفتها عسب تعرف شسالفه
الام: عبدالله ها ابوكم خلونا نرووح نطمن عليه
عبدالله: امي كم مره بقولج كلمت المستشفى وقالولي انه بغيبوبه نرووح شنسويله
الام: ع الاقل نكوون معااه
عبدالله (بقهر): ليش اهو جد مره كان ويانا بشي عسب نحن نكون معاه الحين!!!
الام: لا حول ولا قوه الا بالله الله يهديك انت واختك انشاءالله
،،
دانه سوت طاف للرمسه ودخلت تسبح وتجهز بسرعه عسب ما تتاخر اليووم
بعد ما دانه جهزت يت امها تقومها بس فجت الباب وانصدمت
الام: دااانه ناشه ولابسه برووحها والساعه بعدهاا ٧!!!! من وين طالعه الشمس اليووم
دانه شلت شنطتها ونزلت بدوون ولا كلمه بعده الي صار بينها وبين شهد حاز فخاطرها
امها (لحقتها): دانه حبيبتي فيج شي صاير شي؟
دانه هزت راسها بلا بدوون ما تنطق وطلعت ادور خاان الي كان بعده يتريق
خان (انصدم اول ما شافها): اوه ماما ساعه مال انتا في خربان اليووم؟؟؟!!!
دانه مشت عنه وركبت السياره لحقها واهو بعده منصدم ومر عميره
ميره (اول ما ركبت): ماشاءالله انتي يا تفجين باب المدرسه او توصلين اخر وحده وتسكرينه ماشي حل وسط
دانه كانت بعالم ثاني ولا حست بميره
ميره: هاااي وين وصلتي نحن هنااا
دانه طالعتها وبتسمت بدوون خااطر
ميره طوفت السالفه لانها تعرف انه دانه مودها ما يكوون عدل اول ما تنش من لرقااد
.....
وصلو المدرسه وكل وااحد رااح لصفه
دانه دخلت واهي ساكته وقعدت مكانها
مريم (ربيعت دانه الروح بالرووح و معاها بنفس الصف وتعرف كل شي عن دانه و مع ذلك ما تخليها لو شو ما يصير لانها تحب حب كحبيبه مش ربيعه لربيعه بس ما قالت لدانه لانها تخاف علاقتهم تخترب)
مريم: بسم الله دانوو شفيج؟!!
دانه: شفيكم عليه من الصبح شفيج و شفيج يباا مافيني شي خلووني
مريم: انزييين شو فيج كلتيني بس اسال
دانه سوت طااف
مريم طلعت كتابها وقعدت تدرس لانه عندهم امتحاان
دانه: شتدرسين؟!
مريم: يعني عندنا امتحاان انجليزي بدرس عربي مثلا؟!
دانه (واهي توها تعرف انه شي امتحان): اهاا انزين
مريم: ليكوون ما درستي!!!!!
دانه: ليش انا اعرف انه شي امتحان عشان ادرس؟!
مريم: تستهبلين انتي!!!!!
دانه سوت طااف ولا هامنها شي
يتهم فاطمه (هاي معاهم فالصف وبعد تحب دانه وكل حد يعرف ودانه ساحبه عليها سيفون)
فاطمه: دانه انا سمعتج وانتي تكلمين مريم اذا مب دارسه مب مشكله انا بنقلج لامتحان كله ،، (معلومه انه فاطمه امها اجنبيه واهي ماشاءالله دووم علامات كامله فالانجليزي)
دانه: شكرا محد طلب مساعدتج
فاطمه (واهي مفتشله): اوك انا اسفه بس حبيت اساعدج
مريم: دانووو عيب عليج البنت ما قالت شي و فاطمه حبيبتي اقعدي جداام دانوو فالامتحان وحلي ورقتج ورقتها اذاا ممكن
فاطمه: من عيوووني ،، ورااحت
دانه ولا هامنها ولا جنه الموضوع يخصها بشي محد شاغل بالها غير شهد الي جرحتها
.....
فحصه الانجليزي قعدت فاطمه جدام دانه مثل ما اتفقو و بعد ماا لمس وزعت لوراق دانه ما طالعت الورقه حتى و كانت اطالع برع،،
فاطمه الي اول ما مسكت ورقتها كتبت اسم داانه وحلتها كااامله وبعدها بحركه سريعه حطت الورقه لداانه وشلت ورقتها الفاضيه وحلتها وكتبت اسمها،،
طبعاا كل ها صاار وداانه فعالم ثاني ولا حست غير بالمس لما قاالت: بناات يلا ٥ دقايق و بيمع لورااق
دانه طالعت الورقه وشافتها محلووله بالكاااامل ابتسمت وقالت بصووت مسمووع: شكرا وانا اسفه
المس: دااانه نحن بامتحاان لا تتكلمين ولا بحطلج صفر
سكتت دانه بس الكلمتين الي قالتهم خلت فااطمه اطيييير من الفرحه
.....
فالبريك:
دانه تمت فكلاسها ما كان الها خاطر تطلع
ميره يتها: داانو ليش قاعده بروحج
دانه: مالي موود اطلع
ميره: افاا ليش منو مزعل الحلوو (تراها عرفت بلي صاار شهد قالتها بس تستغبا،
دانه: ولا حد
ميره: انزيين والي يقوولج تعالي نطلع في حد يبا يشوفج
دانه: منو؟
ميره: وحده اسمها حوور وياي فالكلاس قالت انها شافتج وحبتج ولما عرفت انج بنت خالتي قالتلي اكلمج ها شو رايج
دانه: ميره الله يخليج مابا اتعرف ع حد
ميره: تراها مو شراات الباجي جربي
دانه: ميره قلتلج مابا خلاص!!!!
ميره الي يريحج
.....
ميره طلعت وكانت حوور تترياها برع
حور: ها بشري شو صاار
ميره: والله ما رضت قلتلج مودها مب اوك اليووم
حور: ميره بس انا مابا اتريا اكثر عطيني رقمها وانا الي بكلمها
ميره: اوك الي يريحج (وعطتها الرقم)
.....
خلص الدواام و فالرده
ميره: دانوو بقولج شي بس لا تعصبين
دانه: نعم غردي شمسويه بعد
ميره: لاا صبري مب الحين
دانه: عيل!
ميره (لما وقفو عند بيتهم): الحين (فجت الباب ونزلت) ترا انا عطيت رقمج لحوور (صكت الباب وركضت)
دانه (فجت الدريشه): ما عليه يا ميروو بتشوفين
.....
دانه وصلت البيت دخلت وراحت المطبخ لانها ميته يوووع
دانه: ميري شو غداا
ميري: برياني دجاج
دانه: وين ماما و عبدالله
ميري: ماما غرفه و بابا عبدالله ما يرجع من شغل
دانه: انزين (وراحت تتغدى)
خلصت وقعدت جدام التلفزيوون وفجاه هز الفوون رفعته وشاافت مسج
من (مجهوول): مرحبا دانه انا وحده حابه تتعرف ادري ماتعرفيني بش انا اعرفج
دانه: اونه ما اعرفها انزين بنكمل معااج دامي ملانه
ردت عليها: مرحبتين حبيبتي عرفيني عليج
حوور: انا حوور الي كلمتج عني ميره اليووم
دانه: هييه اوك
حوور: اذا ما عندج مانع ابا اصير ربيعتج
دانه ذكرت كلامها مع شهد وكيف رفضتها فما حبت تكوون مثلها فقالتها: لاا افاا عليج ما عندي اي ماانع بس الي عرفته انج تحبيني كيف نصير ربع؟
حوور (واهي مستحيه): هييه بس دامج ما تحبيني نصير ربع عادي
دانه: اوكي ولا يمهج
،،
صعدت دانه غرفتها ونااامت
الساعه ٦ يت امهاا تقومها: داانه داانه حبيبتي قوومي
دانه (واهي مغمضه): خير شصاير بعد
امها: مو صاير شي بس نشي ادرسي يماا
دانه: لا لا هاذا اكييد كابووس حتى فالحلم درااسه
امها: دانووو قومي اي حلم هاا
دانه (قامت واهي خيفانه): بسم الله الرحمن الرحيم
امها: خير شايفه يني!
دانه: هههه لا محشومه امي
امها: بدل هالضحك نشي جابلي كتبج ابرك اباا باجر لما تتخرجين اقولهم شوفو بنتي متخرجه ب٩٥٪
دانه فخاطرها (عن بس): هيه يصير خير انشاءالله بشد حيلي لما بوصل الثانويه
امها: الله يهديج انشاءالله (وراحت)
قامت دانه ومسكت فونهاا شافت ١٠ مسجات و ٥ مس كولل
داانه: ما يحل عليهم الحب الا لما اناام
شافت المس كولات كلها من مريم ومطرشتلها مسج: (لا تنسين عندنا امتحان تاريخ الاحد)
دانه: يعني يايه تبشريني مريووم اووف
طالعت ال٩ مسجات الباجيه من حوور
(١): بااجر الجمعه وما بشووفج شهالحظ
(٢): شكلج نمتي
(٣): نوم العوافي يا الي بالقلب غافي
(٤): ودي اتصلج بس اخاف تقولين اني ملقووفه
(٥): انزيين اشتقتلج شسوي
(٦): بعترفلج اعترااف بس سوي عمرج ما شفتيه لين ما تبادلين نفس الشعور
(٧): احبج
(٨): واعشقج
(٩): واموووت فيج
دانه (ابتسمت): والله وطلع فييه حد مهتم فيني بهالدنيا وشكلها طيبه وتستاهل خجرب اكوون معاها
دانه طرشتلها: و اذا قلتلج اني شفته
حوور: ما فهمت!
دانه: يعني انا بعد احبج (تجذب)
حوور (واهي طااايره من الفرحه): صدق!!!!!!
دانه: ههههه هيه حبيبي
حوور (خبلتبها كلمت حبيبي): والله مب مصدقه عمري انزين بهالمناسبه ممكن اطلب طلب!
دانه: امري حبيبتي
حوور: يصير اتيني يووم الجمعه اليايه؟ (طبعا الجمعه اليايه تصادف يووم ميلاد داانه)
دانه (ما فكرت اي تااريخ يصاادف): اوك ليش لا
.....
اول ما وافقت دانه حوور كلمت ميره عسب يرتبون بارتي كبيير لدانه وطبعا جهزوا كل شي وعزموا كل حد بدوون ما دانه تعرف،،
توقعاتكم
شو مصير ابوو دانه الي بعده فغيبوبه
وشو الي بيصير بين دانه وحوور
و هل راح يتغير شي فالبارتي؟!!
اتريا ردودكم وابا تفاعل اكبر اذا عجبتكم وانشاءالله البارت الياي رااح يكوون اطول